Biżaha, Jezusku

Permalink 0

Tekst Kolędy: Biżaha, Jezusku

Biżaha, Jezusku, moje zeculko,
mój kochani ptôszku, moja rëbulko.
Biża, biżaneczka,
zamkniczkôj oczka,
biża, biżahaha,
zamkni obadwa!

Jesz të, mój sineczku, dzis zmarzniesz tu mie,
na lopuszku sana w tim cwiardim kumie.
Biża, biżaneczka…

Niech le do Swiónowo wrócę jô dodóm,
tam tobie w korëtku tak żużkac nie dóm.
Biża, biżaneczka…

Tatink pobiegnie w lôsk, tam na nę urzmę,
i prostą jak swieca chójeczkę urznie.
Biża, biżaneczka…

Z ti chójeczczi zrobi w kwiatë kolibkę
na złotëch biegunach dlô cebie, ribko.
Biża, biżaneczka…

A jô nę sodłatą ukôrmę pilkę,
wsëpę od ni piórka w zôgłówk, pierzinkę.
Biża, biżaneczka…

Zagrzeję cë mliczka od naji kózczi,
co ję tam tusk pase kol szadi brzózczi.
Biża, biżaneczka…

Będę ce bibkała i tobie spiéwa
w chëczach, a ni w kące cëzégo chléwa.
Biża, biżaneczka…

Nie dadzą cë zrobic krziwdë Kaszubi,
za to jich twa Nënka tak baro lubi.
Biża, biżaneczka…

Niech le zëma zrobi fiu! fiu! przez zimkę,
pudą lôlku z mojim malulczim synkę.
Biża, biżaneczka…

Uczëjesz skowrónka, jak wczas godzinczi
na chwałę twi Bosczi spiwô Matinczi.
Biża, biżaneczka…

Pudą do Swôrzewa na odpust z tobą,
gdze mie naziwają Morza Królową.
Biża, biżaneczka…

Dôj Kaszëbë w niebie za to Kaszëbom,
a na zemi obdarz chlébką i rëbą.
Biża, biżaneczka…

Przejdź do: KOLĘDY KASZUBSKIE

Wykonanie utworu: Biżaha, Jezusku

No Comments Yet.

Leave a Reply

Twój adres email nie zostanie opublikowany. Pola, których wypełnienie jest wymagane, są oznaczone symbolem *